Sumar i Vetlavatnet

Ein historie om fire fiskarar og mange småaurar...

Pinsen har frelsa oss med ein fridag i sol og varme, fiskestong i den eine handa og kaffikoppen i den andre. Fire karar frå byd'n tok bussen til Åsane og freista fiskelykka i Vetlavatnet. Allereie på veg til bussen skjøna me at å kle seg inn i gensar og regnjakka var å ta noko hardt i, og etter å ha slept i land to-tre ruggar, måtte kvar og ein i fiskekvartetten gje tapt og kasta noko klede. Etter kvart beit fisken hyppig, om dette skuldast at den meir behaglege temperaturen auka fiskarane sin motivasjon, eller om fiskane vart blenda av dei kvite kroppane og difor ikkje klarte å skilja mellom ekte flåger og imitasjonar er ikkje godt og seie.